
ပက်ဂွာဒီယိုလာရဲ့ မန်ချက်စတာစီးတီးအသင်းကတော့ မနေ့ညက ပွဲစဉ်မှာ ခက်ခဲတဲ့ပြိုင်ဘက် တော့တင်ဟမ်အသင်းကို အနိုင်ယူနိုင်ခဲ့ပြီဖြစ်ပါတယ်။ တော့တင်ဟမ်ဟော့စပါးကွင်း ကြီးက မန်စီးတီးအတွက် အမြဲတမ်းလိုလိုခက်ခဲခဲ့တဲ့ ကွင်းဆိုတာ အားလုံးအသိဖြစ်ပြီးသားပါ။
ဒါပေမဲ့ မန်ချက်စတာစီးတီးအသင်းက လီဗာပူးကိုရှုးနိမ့်ခဲ့တဲ့ ဒုတိယပိုင်းခြေစွမ်းအတိုင်းကစားနိုင်ခဲ့ပြီး တိုက်စစ်မှုး အယ်လင်ဟာလန်းပါဝင်လာတဲ့အချက်ကြောင့် ပိုမိုပြီးအားကောင်းသွားစေခဲ့ပါတယ်။
ပထမပိုင်းတစ်ပိုင်းလုံးနီးပါး မန်စီးတီးအသင်းက အခွင့်အရေးတွေဆက်တိုက်ဖန်တီးနိုင်ခဲ့တာဖြစ်ပြီး ဗစ်ကာရီယိုကိုအတော်လေးအလုပ်များစေခဲ့တာဖြစ်ပါတယ်။ ဦးဆောင်ဂိုး မှာဆိုရင် အယ်လင်ဟာလန်းကိုယ်တိုင်ဘောလုံးဆင်းယူပြီးကစားကွက်ဖော်သွားခဲ့တာဖြစ်ပြီး ဒိုကူရဲ့ချပေးမှုကို သူကိုယ်တိုင်ပဲ box ထဲပြေးဝင်ပိတ်သွင်းခဲ့တာဖြစ်ပါတယ်။
ဒုတိယပိုင်းကတော့ ပွဲပြောင်းပြန်ဖြစ်ခဲ့ပြီး စပါးအသင်းက ပိုကောင်းတဲ့အသင်းဖြစ်လာခဲ့တာပါ။ ချေပဂိုးရနိုင်မဲ့အခွင့်အရေးပေါင်းများစွာကို ဆက်တိုက်ဖန်တီးနိုင်ခဲ့ပြီးမန်စီးတီးအသင်းကို ဒုက္ခပေးနိုင်ဖိုနီးစပ်ခဲ့တာပါ။ ပွဲကစားချိန်အနှောင်းပိုင်းမှာရရှိခဲ့တဲ့ခေါင်းတိုက်အခွင့်အရေးကို စပါးတိုအသုံးမချနိုင်ခဲ့တာကြောင့် ပက်တို သက်သာရာရခဲ့တာဖြစ်ပါတယ်။
မန်စီးတီးအသင်းက အယ်လင်ဟာလန်းပါရင် ပိုပြီးကောင်းတဲ့အသင်းဆိုတာမြင်ခဲ့ရပြီး ချန်ပီယံလိဂ် ဝင်ခွင့်အတွက် ပိုမိုအားကောင်းတဲ့အသင်းတစ်သင်းပြန်ဖြစ်လာဖို နီးစပ်နေပြီလိုပဲ ဆိုရမှာပါ။
#footballworld